"Gəncədə 2 il əvvəl baş verənlər bütün dünyaya çatdırılmalıdır".
Bunu Cənubi Afrika Respublikasının "SABC News" kanalının müxbiri Prabaşini Mudley "Report"un Qərb bürosuna verdiyi müsahibədə bildirib.
"Hesab edirəm ki, Qarabağda müharibə zamanı Gəncədə baş verən olaylar insanlara çox dərindən çatdırılmayıb. Mən də anayam, burada müharibə cinayəti nəticəsində dünyasını dəyişən insanlara, xüsusilə uşaqlara çox üzülürəm. Burada hazırladığım reportaj təmsil etdiyim televiziyada yayımlanacaq", - "SABC News" müxbiri bildirib.
