Bakıdan Qroznıya uçan AZAL-a məxsus “Embraer” təyyarəsinin Qazaxıstanda qəzaya uğraması nəticəsində həlak olan heyət üzvlərinin ailələri Aktau şəhərinə gedib.
Bu barədə Teleqraf-a Milli Qəhraman Hökümə Əliyevanın qardaşı Coşqun Nəsibli bildirib.
Aktauya səfər edənlər arasında Milli qəhramanlar İqor Kşnyakin və Aleksandr Kalyaninovun yaxınları, o cümlədən qəzada həlak olan bir neçə sərnişinin ailə üzvləri də olub.
"Ziyarətin təşkili üçün ölkəmizin Qazaxstandakı Konsulluğuna, AZAL-ın heyyətinə təşəkkür edirik. İnşallah cənab prezidentin qətiyyəti sayəsində bu cinayətdə əli olanlar cəzalanacaq, ədalət bərqarar olacaqdır. Bizim yaramıza su cinayətkar öz cəzasını tapanda səpiləcək. Qazaxstanda yaşayan soydaşlarımıza da dəstək üçün təşəkkür edirəm" - deyə C. Nəsibli bildirib.
