“Aydın dərk etməliyik ki, bu gün yenidən ülgüc kənarından keçirik və sürüşmək imkanımız yoxdur. Etiraf etməliyik ki, suverenlik və müstəqillik uğrunda gedən mübarizə daimi sayıqlıq tələb edir”.
Teleqraf xəbər verir ki, bunu Gürcüstanın hakim “Gürcü Arzusu” partiyasının fəxri sədri Bidzina İvanişvili deyib.
Partiya lideri hakimiyyətdə olduqları müddətdə müəyyən səhvlərə yol verdiklərini, xəyanətlə üzləşdiklərini də bildirib:
“Əlbəttə, bu 13 il ərzində səhvlər olub, amma xoşbəxtlikdən bunlar nə suverenliyimizə, nə fiziki varlığımıza təhlükə yarada biləcək böyüklükdə, nə də düzəldilməsi və ya aradan qaldırılması mümkün olmayan səhvlərdir.
Şəxsən mənim üçün ən acınacaqlısı odur ki, bu illər ərzində komandamızın daxilində də elə məkrli xəyanətlər olub ki, bu da “Gürcü Arzusu”nu böhran qarşısında qoymaqla yanaşı, real inkişaf trayektoriyasından yayınma, gürcü xalqı və ölkəmiz üçün xarici maraqlara tabe olan qüvvələrin hakimiyyətə qayıdışı təhlükəsi yaradıb. Əvvəllər komandamızın bəzi üzvləri nüfuzlu xarici güclərə tabe olmağı və ya şəxsi rahatlığı vətəndaşlarımızın maraqlarından üstün tutaraq, bunun onlara böyük fayda gətirəcəyinə inanırdılar. Nəticədə komandanın və ölkənin rifahını bir kənara qoymuşdular. Ancaq buna da dözdük! 2011-ci ildən gürcü cəmiyyəti və müdrik xalqımızın məni dəstəklədi və bunu saxlamaqda davam edir, bizim hər bir çətinliyin öhdəsindən gələcəyimizə inamımı gücləndirir”.
Bidzina İvanişvili cəmiyyəti oktyabrın 4-də keçiriləcək parlament seçkilərində fəal olmağa çağırıb:
“Oktyabrın 4-də bugünkü mübarizəmizin seçki məntəqələrinə getmək, azad seçim etmək, sülh və sabitliyi qorumaqdan ibarət olduğunu bir daha nümayiş etdirmək imkanımız var”.
