Almaniya kansleri Olaf Şolzun Türkiyəyə səfəri və prezident Rəcəb Tayyib Ərdoğanla birgə mətbuat konfransında verdiyi mesajlar Almaniya mətbuatında geniş işıqlandırılıb.
Sherg.az xəbər verir ki, "Frankfurter Allgemeine Zeitung", “Kansler Şolz Ankaraya İstanbulda daha çox müdafiə sənayesi məhsulları vəd etdi” başlıqlı xəbər dərc edib.
Xəbərdə Almaniya hökumətinin, Türkiyəyə müdafiə sənayesi məhsulları tədarükündən uzaq durduğu, ancaq Şolzun bu səfərlə Türkiyənin NATO üzvü olduğuna diqqət çəkərək, müdafiə sənayesi məhsulları ilə bağlı daha çox iş birliyinin olacağını bildirib.
Xəbərdə, həmçinin Almaniya hökumətinin Ankaraya müdafiə sənayesi məhsullarının tədarükü ilə bağlı yeni münasibəti ilə Yunanıstanı qorxutduğu və buna görə də Olaf Şolzun son dövrdə Afina ilə Ankara arasında münasibətlərin nəzərəçarpacaq dərəcədə yumşalmasını təqdir etdiyi, Berlinin də bu addımı atdığı bildirilib. Türkiyə ilə bir müddətdir aparılan danışıqlarda münasibətlərdə "yeni başlanğıc"dan danışıldığı qeyd edilib.
Almaniya mətbuatında Ərdoğan-Şolz görüşündə Eurofighter döyüş təyyarələrinin addım-addım Türkiyəyə gəldiyi xəbəri yayılıb.
Xəbərdə Almaniyanın Türkiyə ilə yaxınlaşmasının başqa bir əlamətinin Şolzun sonuncu dəfə 2016-cı ildə keçirilən yüksək strateji ortaq hökumət məsləhətləşmələrinin yenidən başlayacağını açıqlaması olduğu qeyd edilib.
"Deutschlandfunk" qəzetində yer alan xəbərdə Şolz və Ərdoğanın silah və texnikanın daşınması mövzusunda razılaşdıqları, lakin Yaxın Şərqlə bağlı fərqli düşündükləri qeyd edilib.
Xəbərdə Almaniya və Türkiyənin uzun illər davam edən mötədil əlaqələrindən sonra müdafiə sənayesi sahəsində daha çox əməkdaşlıq etmək istədiyi bildirilib.
