Livanda İsrail Hərbi Hava Qüvvələrinin endirdiyi zərbələr nəticəsində sutka ərzində 16 nəfər ölüb, 59 nəfər yaralanıb.
APA xəbər verir ki, ən çox qurbanların sayı cənub bölgələrində qeydə alınıb. Belə ki, Səidə və Tiredə 11 ölü, 27 yaralı, Nəbatiyyədə 5 ölü, 23 yaralı qeydə alınıb.
Livanın şərqindəki Bekaa vadisində isə bombardman nəticəsində 9 nəfər yaralanıb.
Bundan əlavə, 2023-cü ilin oktyabrında hərbi eskalasiya başlayandan bəri İsrailin hava və artilleriya hücumları nəticəsində itkilər barədə məlumatlar yenilənib. Beləliklə, ölənlərin sayı 2464, yaralıların sayı 11530 nəfər olub.
