İsrail Xarici İşlər Nazirliyi Roma Papası Fransiskin xatirəsinə yazılmış postu silib.
Axar.az xəbər verir ki, bu barədə “Yerusəlim Post” məlumat yayıb.
Qeyd olunub ki, Papanın ölümündən sonra İsrail XİN-i sosial şəbəkədə post paylaşıb:
“Rahat yatın, Papa Fransisk. Ruhunuz şad olsun”.
Lakin sonradan sözügedən post silinib. Nəşr bunu Papanın İsrailin Qəzzada HƏMAS-a qarşı apardığı müharibə barədə açıqlamaları ilə əlaqələndirir.
Papa İsrail ordusunu uşaqları bombalamaqda və pulemyotlardan atəşə tutmaqda ittiham edib.
İsrailin Vatikandakı keçmiş səfiri Rafael Şuts isə deyib ki, İsrail XİN-i tərəfindən postların silinməsi səhv olub:
“Kiminsə ölümündən sonra belə hesablaşmamalısan”.
