“Bu gün gərgin emosiyalarla zəngin idi”.
Teleqraf xəbər verir ki, Ukrayna Prezidenti Volodimir Zelenski Telegram kanalında belə yazıb.
Bununla belə, Prezident bu gün Londonda beş ölkənin görüşünün ümidverici keçdiyini söyləyib.
O yazıb: “Yaxşı ki, beş ölkə sülhü yaxınlaşdırmaq üçün görüşdü. Ukrayna, ABŞ, Böyük Britaniya, Fransa və Almaniya. Tərəflər öz fikirlərini bildirib, bir-birinin mövqeyini hörmətlə qəbul etdilər”.
Ukrayna rəhbəri ümid edir ki, məhz bu cür birgə iş davamlı sülhə gətirib çıxaracaq. O bildirib: “Biz tərəfdaşlarımıza minnətdarıq. Ukrayna hər zaman öz Konstitusiyasına uyğun hərəkət edəcək və biz tam əminik ki, tərəfdaşlarımız, xüsusən də ABŞ öz qəti qərarlarına uyğun davranacaq”.
