İsrailin İrana ehtimal olunan hücumunda Britaniya ordusunun Təl-Əvivə dəstək verməsi istisna edilmir, ancaq istənilən əməliyyat qərarı danışıqlar əsasında həllini tapacaq.
Axar.az xəbər verir ki, bunu Britaniya Nazirlər Kabinetinin üzvü Piter Kayl deyib.
“Baş nazir son bir neçə gün ərzində Britaniya rəsmiləri Co Bayden, Emmanuel Makron və Olaf Şults da daxil olmaqla, müttəfiqləri ilə danışıqlar aparıblar və İsrailin təmkin nümayiş etdirməsi ilə bağlı birgə tövsiyələr verilib”, - o bildirib.
Kayl deyib ki, bu tövsiyələrə baxmayaraq, İsrail müstəqil dövlətdir və Britaniya hökuməti nə edəcəyi barədə Təl-Əvivə heç nə deyə bilməz.
