Böyük Britaniya kralı III Çarlz dörd ildən sonra ilk dəfə nəvələri Archie və Lilibetlə görüşüb. Görüşdə şahzadə Harri və həyat yoldaşı Meqan Markl da iştirak ediblər.
Sherg.az xəbər verir ki, kral ailəsi üzrə yazıçı Alison Boşoffun iddiasına görə, bu görüşün əsas məqsədi Harri və Meqanın kral ailəsi ilə münasibətləri bərpa etmək cəhdi olub.
Mənbənin sözlərinə görə, cütlük hazırda Portuqaliyada yaşayır və bu ölkəni Böyük Britaniyaya daha yaxın olmaq üçün seçib. İddialara əsasən, onlar 2020-ci ildə kral ailəsindən ayrılmalarını simvolizə edən “Megxit” qərarını faktiki olaraq geri çevirmək istəyirlər.
Eyni zamanda, Harrinin yaxın dostlarından biri bildirib ki, şahzadə ABŞ-də özünü əvvəlki kimi rahat hiss etmir və “Amerika arzusu”nun düşündüyü qədər ideal olmadığını anlamağa başlayıb.
Rəsmi tərəflər bu iddialarla bağlı hələlik açıqlama verməyiblər.
