AB-nin Tehrana qarşı tətbiq etdiyi yeni sanksiyalardan dolayı Macarıstanın İrandakı səfiri bu ölkənin Xarici İşlər Nazirliyinə çağırılıb.
Axar.az xəbər verir ki, bu barədə “Mehr” agentliyi məlumat yayıb.
Məlumata görə, AB-yə sədrlik edən Macarıstanın səfiri İran xarici işlər nazirinin siyasi məsələlər üzrə müavini tərəfindən çağırılıb və ona Avropa Birliyinin İrana qarşı son sanksiya qərarına kəskin etiraz bildirilib.
“İran İslam Respublikasına qarşı sanksiyalar kimi qeyri-qanuni və məcburedici üsullarla müraciət qəbuledilməzdir və heç bir nəticə verməyəcək”, - İran XİN rəsmisi qeyd edib.
