Rusiyanın Kamçatka bölgəsində Sakit okeanda 7 bal gücündə zəlzələ qeydə alınıb.
AZƏRTAC xəbər verir ki, bu barədə Rusiya Elmlər Akademiyasının Vahid Geofizika Xidmətinin Kamçatka bölməsi məlumat yayıb.
Zəlzələnin episentri Petropavlovsk-Kamçatski şəhərindən 108 km cənub-şərqdə yerləşib. Şəhərin bəzi ərazilərində zəlzələ 7 bal gücündə hiss olunub - binalarda mebel yırğalanıb, əşyalar yıxılıb, həyəcan siqnalları işə düşüb.
