Dərhal daimi atəşkəsin təmin edilməsi üçün əlimizdən gələni etməli və İsrailə lazımi təzyiq göstərməliyik.
APA xəbər verir ki, bu barədə Türkiyə Prezidenti Rəcəb Tayyib Ərdoğan Almaniya kansleri Olaf Şolts ilə birgə mətbuat konfransında deyib.
Türkiyə Prezidenti “İsrailin özünü müdafiə etməyə haqqı var” deyən Almaniya kanslerinə belə cavab verib: “50 min insanı öldürmək o demək deyil ki, onlara F-35-lərlə yaxşı zərbələr endirdiniz deməliyik. İsrail xarici işlər nazirinin bəyanatından xəbəriniz olsaydı, yəqin ki, onun Türkiyə Prezidentinə niyə bu cür hücum etməsinin hesabını istəyərdiniz".
Ərdoğan deyib ki, İsrailin qarşısı alınmasa, bölgədə sülh olmayacaq.
