Kosmosda həyatın olub-olmaması alim və tədqiqatçılar üçün böyük maraq doğurur. Hələlik qəti həyat əlaməti tapılmayıb. Böyük ölçüdə Yerə bənzər ərazilərdə həyat axtarışlarını davam etdirən elm adamları kosmosda həyatın bir planetə ehtiyac olmadan mövcud ola biləcəyini qeyd ediblər.
Publika.az xəbər verir ki, Harvard Universitetindən Robin Vordsvorth və Edinburq Universitetindən Çarlz Kokell tədqiqatlarında mühüm tapıntılar təqdim ediblər.
Kosmik tədqiqatlar indiyə qədər əsasən Yerə bənzər yaşayış şəraitinə yönəlib. Bununla belə, kəşf edilən minlərlə ekzoplanetin əksəriyyəti Yerlə eyni şəraitə malik deyil. Bu, tədqiqatçıları fərqli və qeyri-adi həyat formalarını araşdırmağa vadar edib.
Tədqiqatçılar kosmosdakı bu sadə orqanizmlərin aşağı təzyiqə qarşı qoruyucu membranlar və ya qabıqlar inkişaf etdirə biləcəyini düşünüblər. Bununla belə, maye suyun mövcudluğu üçün müəyyən temperatur şəraiti tələb olunur.
Nəticədə tədqiqat müxtəlif həyat formalarının mövcudluğuna yeni bir perspektiv təklif edir. Alimlər həyat axtarışlarının genişləndirilməli olduğunu vurğulayıb və kosmosda mümkün həyat növləri ilə bağlı araşdırmaların vacibliyini bildiriblər.
