Atəşkəs sazişinin yekun layihəsinin gecə yarısı tərəflərə təqdim edildiyi bildirilir. İsrail və HƏMAS arasında razılaşmaya, İsrail girovlarının fələstinli məhbuslarla dəyişdirilməsini və ardınca Qəzzada müharibənin sona çatmasını nəzərdə tutan bir prosesin başlamasına bir neçə saat qalmış ola bilər.
Sherg.az xəbər verir ki, bu barədə FoxNews-un baş xarici müxbiri Trey Yingst öz "X" hesabında yazıb.
"Atəşkəs razılaşmasına nail olmaq üçün İsrail hökumətinə ciddi daxili təzyiqlər var. Quru əməliyyatı başlayandan bəri 400-dən çox əsgər öldürülüb və bu rəqəm hələ də artmaqdadır. Sorğular da göstərir ki, israillilərin 71%-i girov mübadiləsini və müharibənin bitməsini dəstəkləyir", - o qeyd edib.
