Rusiya Prezidenti Vladimir Putin Çində görüşdüyü Türkiyə Prezidenti Rəcəb Tayyib Ərdoğanla bir sıra regional məsələləri, xüsusilə Yaxın Şərq, Şimali Afrika və Cənubi Qafqazı müzakirə edib.
Teleqraf xəbər verir ki, Rusiya lideri bu istiqamətlərdə iki ölkə arasında etibarlı əməkdaşlıq qurulduğunu deyib.
“Bizim diqqətimiz həmçinin Yaxın Şərq, Şimali Afrika və Cənubi Qafqaz kimi ümumi maraq kəsb edən mövzulara yönəlib. Bütün bu sahələrdə Rusiya-Türkiyə əməkdaşlığı köklü, konkret, faydalı və deyərdim ki, güvənlidir”, - Putin bildirib.
