Ucarda ölüm hadisə baş verib.
APA -nın yerli bürosunun xəbərinə görə, bu gün Ağdam rayonundan məcburi köçkün, 1961-ci il təvəllüdlü Arzu Əşrəf oğlu Agayevin diş ağrısı ilə həkimə müraciət edib. Həkim onun dişini çəkmək üçün ağrıkəsici iynə vurub. İynə vurulduqdan sonra xəstənin halı pisləşib və o, dərhal təcili tibbi yardım maşını ilə xəstəxanaya aparılıb. Həkimlərin səyinə baxmayaraq onu xilas etmək mümkün olmayıb.
Ölümün səbəblərini müəyyənləşdirməkdən ötrü tibbi ekspertiza təyin edilib.
Faktla bağlı araşdırma aparılır.
