Adıyamanın Gölbaşı mahalına bağlı Yukarı Nəsırlı kəndi sərhədlərində yerdən 4 metr hündürlükdə qayada oyulmuş və üzərində qadın əksinin olduğu yer aldığı 1700 illik Roma dövrünə aid kameralı türbə aşkar edilib.
Sherg.az xəbər verir ki, “Qızkap məskəni” kimi tanınan yerdə, qayada oyulmuş, üzərində qadın əksi olan qəbir kamerası tapılıb. Kənd sakinləri Adıyaman Muzey Müdirliyinə qadın rəsmi barədə məlumat veriblər.
Adıyaman Muzeyinin direktoru Mehmet Alkan və onu müşayiət edən şəxslər əraziyə baxış keçirib. Həmçinin kameralı türbənin yanında qadın rəsmi olan, Roma dövrünə aid və 1700 ilə aid müxtəlif tarixi binalar var.
Adıyaman Muzey Müdirliyinin bölgənin qeydiyyatı üçün Şanlıurfa Mədəni İrsi Qoruma Regional İdarə Heyətinə müraciət edəcəyi öyrənilib.
Mövzu ilə bağlı məlumat verən Adıyaman Muzeyinin direktoru Mehmet Alkan deyib: “Vətəndaşlarımızdan birinin verdiyi məlumat nəticəsində Yukarı Nəsırlı kəndinə gələrək araşdırmalar apardıq. Bu araşdırmalar nəticəsində burada yaşayış massivləri və hündürlüyü təxminən bir yarım metr olan qadın rəsminə rast gəldik. Bu qadın relyefinin bir az altında bir qəbir kamerası da aşkar etdik. Qdının bir az aşağıda yerləşən kameralı türbədə dəfn edildiyi bildirilir. Bundan əlavə, burada apardığımız araşdırma nəticəsində onun eramızın III əsrinə aid kamera türbəsi olduğunu müəyyən etdik. Başqa sözlə, bu, 1700 il əvvələ aid qadın məzarıdır".
