İstanbulda tarixi əsər qaçaqmalçılarına qarşı keçirilən əməliyyatlarda, aralarında 20 ildir İnterpol tərəfindən axtarılan xətt lövhəsinin də olduğu minlərlə əsər ələ keçirilib.
Sherg.az xəbər verir ki, İstanbul Əmniyyət Müdirliyinin Qaçaqmalçılıq Cinayətləri ilə Mübarizə Şöbəsinin əməkdaşları tarixi əsərləri ölkə xaricinə çıxarmağa çalışan qaçaqçılara qarşı əməliyyat aparıb.
Fatih, Şişli, Esenyurt, Bağcılar, Kadıköy və Beşiktaş rayonlarında iyun və sentyabr ayları ərzində 11 fərqli əməliyyat keçirilib.
Bu zaman 15 şübhəli saxlanılıb.
Bu şübhəlilərin ünvanlarında və iş yerlərində aparılan axtarışlarda, 2 fevral 2005-ci ildə Üsküdar Defterdar Tahir Əfəndi Məscidindən oğurlanmış, Xəttat Mehmet Sami Əfəndi tərəfindən (1837–1912) yazılmış 1 xətt lövhəsinin də daxil olduğu minlərlə əsər ələ keçirilib.
Əldə olunan əsərlər arasında xətt lövhəsindən başqa, 1771 hissədən ibarət Yunan/Roma imperiyası dövrlərinə aid insan təsvirli mozaik əsər də var.
Bundan başqa Yunan, Roma, Abbasi, Əməvi, Bizans imperiyaları, Osmanlı Dövləti və Anadolu Səlcuqlu Dövləti dövrlərinə aid olduğu qiymətləndirilən qızıl, gümüş, bürünc və nikel materialdan hazırlanmış ümumilikdə 2627 sikkə qrupu ələ keçirilib.
Osmanlı dövrünə aid olduğu müəyyən edilən pişot, xəncər, qılınc, şamdan, şamlıq, qədəh, möhür, ikona və s. olmaqla ümumilikdə 454 obyekt və 47 ədəd fil dişindən hazırlandığı təxmin edilən bilərzik formalı bəzək əşyası da ələ keçirilənlər arasındadır.
Əldə olunan tarixi və mənəvi dəyəri olan əsərlər mətbuat nümayəndələrinə göstərilib.
Məlumata görə, bu əsərlər müvafiq prosedurlardan sonra Vakıflar Baş Müdirliyi, İstanbul Arxeologiya Muzeyləri Müdirliyi, İstanbul Ayasofya Tarixi və Təcrübə Muzeyi ilə Türk və İslam Əsərləri Muzeyi Müdirliyinə təhvil veriləcək.
