Vanın Erciş rayonunun Pınarlı və Düvenci məhəllələri sərhədində yerləşən Meydan Boğazı Gölet bəndi bölgədə yaşayan vətəndaşları qorxudur. Bəndin set divarından sızan sular səbəbindən torpaqda mayeləşmə olduğunu iddia edən kəndlilər iki ildir müraciət etdiklərini bildirərək deyirlər: “Bir partlayış olarsa o kəndlər heyvanı, torpağı, insanı ilə birlikdə hamısı yox olar”.
Sherg.az xəbər verir ki, 1965-ci ildə tikilən və o vaxtdan bəri suvarma və daşqının qarşısının alınması məqsədilə istifadə edilən Meydan Boğazı Gölet bəndi təhlükə yaradır. Yazda qar sularının əriməsi ilə su səviyyəsi ən yüksək nöqtəyə çatır, quraq keçən yay aylarında isə ən aşağı səviyyəyə enir.
60 illik keçmişi olan və o dövrün şərtlərinə görə tikilmiş bəndin set divarının altından sızan sular torpağın mayeləşməsinə səbəb olur. Hər hansı bir təhlükəyə qarşı kəndlilərin özləri tədbir görsələr də bənd əhalini narahat edir.
Pınarlı kənd sakini, bəndin tikintisində işləmiş Abdulbaki Çeber deyib: “Bu bənd 1965-ci ildə tikildi. Tikiləndə mən işçi idim. Əllə dibini qazdıq. Hər iki tərəfdən qazıntı çəkərək doldurdular. Hazırda altda sızma var, partlayış təhlükəsi var. Aşağı kəndlərdən 4- 5 kənd risk altındadır. Allah göstərməsin bir partlayış olarsa o kəndlər heyvanı, torpağı, insanı ilə birlikdə hamısı yox olar. İki ildir müraciət edirik. Müxtəlif vaxtlarda mühəndislər gəlib, layihəsini, öyrənməsini, qazma işlərini aparıblar. Təcili olaraq düzəldilməsini tövsiyə ediblər. İndiyə qədər bir iş görülməyib. Vəzifəlilərdən xahişimiz bu təhlükənin qarşısının alınması üçün bu setin təmir olunmasıdır”.
