Estoniya Rusiyanın sərhədinə yaxın hərbi baza inşa edəcək.
Globalinfo.az xəbər verir ki, bu barədə Estoniyanın Müdafiə Qüvvələri Baş Qərargahının rəisi, general-mayor Vahura Karus məlumat yayıb.
“Bu addım Narva (Rusiya ilə sərhəd şəhər – red.) sakinlərinə Estoniya ordusunun onların gündəlik həyatlarının bir hissəsi olduğunu göstərmək məqsədi güdür və eyni zamanda bu, Narvanın Estoniyanın ayrılmaz bir hissəsi olduğunu nümayiş etdirəcək”, – deyə Karus vurğulayıb.
Yeni hərbi bazada 200-250 nəfərlik bir bölmə yerləşəcək. Bu şəxslər arasında xidmət edən hərbçilər, çağırışçılar və ehtiyatda olan zabitlər olacaq.
