İngiltərə yığmasının qapıçısı Cordan Pikford Avropa çempionatları tarixində 2-ci yaxşı göstəriciyə malikdir.
Trend İdman.biz-ə istinadən xəbər verir ki, o, yalnız ispaniyalı qolkiper İker Kasilyasdan geri qalır.
Reytinq zamanı ən azı 10 oyun keçirən qapıçıların göstəriciləri nəzərə alınıb. Zərbələrin dəf edilməsində Pikfordun faiz göstəricisi 85-ə bərabərdir. Kasilyas isə 87 faiz zərbələri dəf edib. İtaliyalı Canluici Buffon (81 faiz) siyahıda üçüncüdür.
Qeyd edək ki, ingilis qapıçı AVRO-2024-də 5 oyunda qapısından 3 top buraxıb. O, iki oyunda qapısını toxunulmaz saxlayıb.
