Real Madriddə zədə səbəbindən oyunu tərk edən Kilian Mbappeyə keçmiş klubu PSJ-dən (Paris Saint-Germain) pis xəbər gəlib.
Sherg.az xəbər verir ki, Fransa İntizam Şurası Kilian Mbappenin keçmiş klubu PSJ-yə qarşı qaldırdığı 55 milyon avroluq iddianı rədd edib.
Qeyd edək ki, 2024/2025 mövsümündən əvvəl keçmiş klubu PSJ ilə müqaviləsini yeniləməyən və dünya nəhəngi Real Madridə imza atan Kilian Mbappe PSJ-yə qarşı ödənilməmiş maaş və bonuslar da daxil olmaqla 55 milyon avroluq iddia qaldırmışdı.
Fransa Liqa 1 İntizam Komitəsi Kilian Mbappenin keçmiş klubu PSJ tərəfindən ödənilməmiş maaş və bonusları əhatə edən 55 milyon avro tələbini "qəbuledilməz" elan edib və işi PSJ-nin xeyrinə yekunlaşdırıb.
PSJ zərurət yaranarsa, vəziyyəti Razılaşma Şurasına çıxarmağa tam hazır olduğunu bildirsə də, klub Mbappeyə tam məbləği ödəmək niyyətində deyil. Bununla belə, PSJ də hər iki tərəfin razılaşa biləcəyi bir həll üçün vasitəçilik prosesinə girməyə açıq olduqlarını bildirib.
