“Ermənistan və Azərbaycan arasında yeni müharibə yox, sülh olacaq”.
Teleqraf xəbər verir ki, bunu Ermənistanın hakim “Vətəndaş Müqaviləsi” Partiyasının deputatı Arusyak Manavazyan ölkə müxalifətinin bəyanatları və müharibə ilə bağlı iddialarını şərh edərkən deyib.
“Arzuladığınız müharibədən danışmağa davam edin. Müharibə olmayacaq, sülh olacaq.
Təəssüf edirəm ki, müxalifətin təsəvvür etdiyi əsl Ermənistan bizim suveren dövlətimiz Ermənistan Respublikası deyil, hakimiyyətə qayıdışını gördüyü xəyali ərazidir. Məhz buna görə də onların revanşları nəticə vermir, indi də Ermənistanda da eyni həvəslə müharibə istəyirlər. Bu gün görülən işlər çoxdan edilməli idi. Artıq başa düşməyin vaxtıdır ki, dövlət sizin mülkünüz deyil”, - Manavazyan bildirib.
