2015-ci ildə dünyasını dəyişən Türkiyənin məşhur musiqiçisi Kayahanın qızı Beste Açar atasının ad günündə emosional paylaşım edib.
Sherg.az xəbər verir ki, usta musiqiçi Kayahanın qızı Beste Açar atası Kayahanı doğum günündə yad edib. 50 yaşında olan Açar uşaqlıq fotosunu paylaşıb. Açar paylaşımına bu şərhi yazıb:
"Ad günün mübarək, ata. Mənim üçün yazdığın "E Baby" mahnısının sözləri artıq gerçəkləşdi. Sənin kimi birini axtarmadan o məni tapdı. Güvən, qeyd-şərtsiz sevgi, ən həqiqi sevgi artıq mənimdir. Həmişə... Kaş ki, sən də bizimlə olaydın... Bəlkə də varsan, bilmirəm. Amma artıq xoşbəxt olduğunu hiss edirəm".
Atasının məzarını ziyarət edən Açar "Ad günün həm də Arefə. Bu gün anam bu mahnını sənin üçün seçdi" qeydini paylaşıb.
Açar ötən həftələrdə yeni sevgilisi İsmail Aslanla fotosunu paylaşaraq yeni münasibətini açıqlayıb. Məşhur ad sevgilisi ilə xoşbəxt pozasına "Səninlə hər şeyə hazıram. Şükkür" qeydini əlavə edib.
"Yemin Ettim", "Odalarda Işıksızım", "Mor Menekşe", "Geceler" və "Beni Anlamadın Ya" kimi unudulmaz əsərlər yaradan müğənni, bəstəkar Kayahan 2015-ci il aprelin 3-də kiçik hüceyrəli ağciyər xərçəngindən dünyasını dəyişib. Dəfni Teşvikiyə məscidində olan sənətçi vəsiyyətinə uyğun olaraq Kanlıca Mihrimah Sultan qəbiristanlığında dəfn edilib.
