Formula 1 mövzusunda yeni filmi ilə tamaşaçı qarşısına çıxmağa hazırlaşan Hollivud ulduzu Bred Pitt, yeni görünüşü ilə gündəm olub.
Sherg.az xəbər verir ki, 61 yaşlı aktyor, məşhur GQ jurnalının üz qabığı üçün poza verib. Rəfiqəsi və rol yoldaşı Damson İdris və Formula 1 çempionu Luis Hamilton ilə birlikdə kamera qarşısına keçən Pitt, tamamilə fərqli bir imicə bürünüb.
Məşhur fotoqraf Nataniel Qoldberqin çəkdiyi şəkillər sosial mediada qısa zamanda viral olub.
Bred Pitt bu filmində Sonni Heyz adlı keçmiş Formula 1 əfsanəsini canlandırır. Filmin büdcəsinin 200 milyon dollar olduğu açıqlanıb. Ssenaridə Sonni, təqaüddən qayıdaraq gənc və təcrübəsiz bir F1 sürücüsünə mentorluq edir.
Filmin ssenarisini “Top Gun: Maverick”in də müəllifi olan Ehren Kruger yazıb.
Filmin rejissoru Joseph Kosinskidir. O, daha əvvəl "Tron", "Oblivion" və "Top Gun: Maverick" filmləri ilə tanınıb.
Heyətdə yer alan digər məşhurlar:
Damson Idris
Kerry Condon
Javier Bardem
Tobias Menzies
Sarah Niles
Kim Bodnia
Samson Kayo
Filmin prodüserlərindən biri də real həyatda Formula 1 çempionu olan Luis Hamiltondur.
"F1: The Movie" adlı bu gözlənilən film 27 iyun 2025 tarixində IMAX formatında tamaşaçılarla görüşəcək.
