İtaliyanın Mədəniyyət Asosasiyasının keçirdiyi «Beynəlxalq mədəniyyət festivalına» Beynəlxalq Yaradıcılıq Fondunun üzvü, Beynəlxalq Qadın Rəssamlar Asossasiyasının üzvü, Rəssam Nərminə Vəliyevanın bədii rəhbəri olduğu «Rəngli duyğular» rəsm studiyası da qatılıb.
"Sherg.az" xəbər verirr ki, 50-dən çox ölkənin iştirak etdiyi festivalda ölkəmizi təmsil edən gənc rəssamlarımız yüksək peşəkarlığı ilə seçilərək bütün yaş kateqoriyaları üzrə 1-cilik qazanıblar. Rəssam Nərminə Vəliyeva təşkilat komitəsi tərəfindən «Uşaq və gənclərin mədəni, mənəvi və profesional inkişafında göstərdiyi peşəkarlığa görə» təşəkkürnamə məktubu və sertifikatla təltif olunub.
Bununla yanaşı, «Rəngli duyğular» rəsm studiyasının tələbələri İspaniyanın «Salvador Dali» Beynəxalq rəsm festivalında da böyük naliyyətlə əldə ediblər. 60-dan artıq ölkənin iştirak etdiyi festivalda Nərminə xanımın tələbələri ən yüksək ballar qazanaraq ilk 3-lükdə yer alıblar.
Rəsm studiyasının son uğurlarından biri də «UNESCO»nun tərəfdaşı olduğu Paris «Sen Jermen — An Le» Beynəlxalq Yaradıcılıq İttifaqının keçirdiyi «Dünya arzularında» beynəlxalq müsabiqə festivalında iştirakıdır. 40-dan artıq ölkənin qatıldığı festivalda Nərminə Vəliyevanın tələbələri 4-17 yaş kateqoriyasında yüksək səviyyəli əsərlərinə görə sertifikatlarla təltif olunublar.
«Rəngarəng duyğular» rəsm studiyası 2020-ci ili major notlarla başa vurur. Triumfal gənclər ABŞ-da keçirilən Beynəlxalq Uşaq yaradıcılıq festivalının «Sağlam həyat» devizi altında keçirilən geniş miqyaslı sərgisində çox böyük uğurla iştirak ediblər.
Habelə «Welcome Washington» dərgisində Nərminə Vəliyevanın «Covid — 19» məqaləsi həmçinin tələbələrinin rəsm əsərləri ilə birgə çap edilib. Eyni zamanda Nərminə xanımın eyni adlı məqaləsi Amerika Səhiyyə Universitetində məruzə edilib və "web" səhifələrində yerləşdirilib.
Yuxarıda sadalanan bütün uğurları rəssam Nərminə Vəliyeva Vətən müharibəsinə həsr edir!
