“Erməni silahlılarının gizlicə Qarabağa keçirilməsi və növbəti təxribatlarla bağlı ehtimallar müharibə riskini artırır”
"Rusiya prezidenti Vladimir Putinin də bəyan etdiyi kimi yeni müharibə Ermənistanın intiharı deməkdir”
“Hər şeyə rəğmən öz torpaqlarımızı qoruyacağıq. Ermənilər və ruslar bu reallığı nə qədər tez dərk etsələr, o qədər onların faydasınadır"
"Laçın dəhlizində erməni hərəkətliliyi hamımızı narahat edir".
Bu sözləri "Sherg.az"a açıqlamasında AĞ Partiya sədri Tural Abbaslı deyib.
Partiya rəhbəri bildirib ki, erməni silahlılarının gizlicə dəhlizdən Qarabağa keçirilməsi və növbəti təxribatlarla bağlı ehtimallar müharibə riskini artırır:
"Azərbaycan dövləti öz ərazisində hansısa silahlı qruplaşmaların, terrorçu dəstələrin varlığın göz yummayacaq. Türkiyə ilə birlikdə Ermənistan və Rusiyanın bütün fəaliyyətini nəzarətdə saxlanılır.
PUA-larımız işğaldan azad olunmuş torpaqları, eyni zamanda 4 rayonun ərazisini mütəmadi izləyir. Istənilən hərəkətlilik qeydə alınır və sənədləşdirilir. Təxribatlarla bağlı toplanan faktlar, video-görüntülü dəlil-sübutlar bizə hüquqi imkan verəcək ki, üçtərəfli Bəyanatdan birtərəfli çıxaraq torpaqlarımızı quldurlardan təmizləyək. Düşünmürəm ki, Rusiya belə bir risk’ getsin. Amma ermənilər ağılsız olduqları üçün yenidən xülyalara qapıla bilərlər".
T.Abbaslı vurğulayıb ki, əgər Qarabağın müəyyən bölgələrinə separatçı və terrorçular yenidən cəmləşərsə, yenidən anti-terror əməliyyyatına başlayıb problemi birdəfəlik həll etmək şərt olacaq:
"Rusiya prezidenti Vladimir Putinin də bəyan etdiyi kimi yeni müharibə Ermənistanın intiharı deməkdir. Növbəti savaş sadəcə Qarabağın deyil, Ermənistanın da taleyini həll edəcək. Ona görə də Ermənistan və Rusiya tərəfini belə avantürist cəhdlərdən çəkinməyə çağırıram. Hər kəsə, hər şeyə rəğmən öz torpaqlarımızı qoruyacağıq. Ermənilər və ruslar bu reallığı nə qədər tez dərk etsələr, o qədər onların faydasınadır".
