Dietoloq Yelena Solomatina bildirib ki, "Omeqa-3" əlavələrinin həkim məsləhəti olmadan və normadan artıq qəbul edilməsi sağlamlıq üçün risklidir.
Sherg.az xəbər verir ki, dietoloqun sözlərinə görə, "Omeqa-3" yağ tərkibli maddə olduğundan yüksək dozada qəbul edildikdə öd kisəsində daşların hərəkətə gəlməsinə səbəb olur. Bu isə mədə-bağırsaq sistemi ilə yanaşı, mədəaltı vəzinin fəaliyyətinə də mənfi təsir göstərir.
Mütəxəssis əlavə edib ki, "Omeqa-3" qaraciyər və böyrəklərə əlavə yük yaradır. Həmçinin bəzi dərmanlarla birlikdə qəbul edildikdə onların təsirini gücləndirir, qanın həddindən artıq durulaşmasına və təzyiqin normadan artıq enməsinə səbəb olur.
Dietoloq vurğulayıb ki, "Omeqa-3" əlavələri yalnız mütəxəssis məsləhəti əsasında qəbul edilməlidir.
