30 günə bakteriyalarda ciddi azalma qeydə alındı
Ev heyvanlarında, xüsusilə itlərdə ağız qoxusunun əsas səbəbi ilə bağlı yeni bir araşdırma aparılıb və diqqətçəkən nəticələr əldə olunub.
Sherg.az xəbər verir ki, mütəxəssislərin bildirdiyinə görə, ağız qoxusu təkcə sadə “pis nəfəs” problemi deyil. Bunun arxasında diş əti xəstəlikləri, diş çürümələri, diş ərpi və ağız boşluğundakı bakteriya balansının pozulması dayanır.
Araşdırmada şərbət istehsalı zamanı yaranan bəhməzdən (şəkər qamışı tullantısı) əldə edilən polifenol tərkibli bitki mənşəli bir spreydən istifadə olunub. Təcrübəyə ağız qoxusu olan 10 it cəlb edilib və məhsul onların ağız boşluğuna tətbiq olunub.
Nəticələrə görə, qısa müddət ərzində ağız qoxusunda nəzərəçarpacaq azalma müşahidə edilib, bəzi hallarda qoxu demək olar ki, hiss olunmayacaq səviyyəyə enib. Analizlər göstərib ki, qoxu yaradan bakteriyaların fəaliyyəti və sayı da azalıb.
Tədqiqatçılar bildirirlər ki, sprey yalnız qoxunu maskalamır, həm də ağız mikroflorasına təsir edərək bakteriya balansını dəyişə bilir. 30 günlük müşahidə müddətində zərərli bakteriyalarda ciddi azalma qeydə alınıb.
Bununla belə, alimlər vurğulayırlar ki, araşdırma hələ ilkin mərhələdədir və genişmiqyaslı sınaqlara ehtiyac var. Mütəxəssislər ev şəraitində bəhməz və ya oxşar qarışıqların istifadə edilməməsini tövsiyə edir, çünki effektiv olan maddə sadə məhsul deyil, ondan ayrılmış xüsusi aktiv birləşmələrdir.
