Tramp: Mən Putinə çox qəzəbliyəm

ABŞ prezidenti Donald Tramp Rusiya lideri Vladimir Putinə çox hiddətləndiyini bildirib. Tramp İranı da hədələyib.
Sherg.az xəbər verir ki, Rusiya prezidenti Putin Ukraynada keçid hökumətinin yaradılmasına çağırıb. ABŞ prezidenti Tramp NBC News telekanalına müsahibəsində deyib ki, Putinin təklifi onu çox qəzəbləndirib.

Tramp qeyd edib ki, Putin bundan xəbərdardır və əgər o, düzgün işlər görsə, qəzəbi tez sovuşacaq.

Tramp həmçinin bəyan edib ki, Ukrayna ilə bağlı razılaşma əldə olunmasa, Rusiya neftinə yeni tariflər tətbiq edəcək. O, bu həftə Putinlə yenidən danışmağı  planlaşdırdığını açıqlayıb.

 Prezident Tramp da İranı növbəti dəfə təhdid etdi. Tramp Tehranı nüvə sazişi bağlamağa çağıraraq, “Əgər razılaşmazlarsa, heç vaxt görmədikləri bombardmanlar olacaq” deyib.