“Livan hökuməti “Hizbullah” Hərəkatı ilə qarşıdurmaya cəhd etsə, bu ölkə salamat qalmayacaq”.
Teleqraf xəbər verir ki, bunu “Hizbullah” lideri Naim Qasım deyib.
“Əgər siz qarşı tərəfdə durub bizimlə üz-üzə gəlib bizi yox etməyə çalışsanız, Livanda həyat olmayacaq. Livan bütün komponentlər olmadan inşa oluna bilməz”, - hərəkat rəhbəri qeyd edib.
N.Qasım qeyd edib ki, İsrailin hücumları və Livanın cənubundakı beş təpəliyin işğalı davam etdikcə, “Hizbullah” silahlarını təhvil verməyəcək.
“Hizbullah” lideri, həmçinin, hökuməti onu tərksilah etmək qərarına gələrək ölkəni İsrailə təslim etməkdə günahlandırıb və bunun vətəndaş müharibəsinə səbəb ola biləcəyi barədə xəbərdarlıq edib.
Qeyd edək ki, bu bəyanatlar İranın Ali Milli Təhlükəsizlik Şurasının katibi Əli Laricaninin Livana səfərindən sonra gəlib. Məlumata görə, Laricanı Beyrutda Livan liderləri keçirdiyi görüşlərdə “Hizbullah”ın tərksilah edilməsinə qarşı çıxıb.
Yerli KİV İranın Yaxın Şərqdəki ən böyük proksi qüvvəsi “Hizbullah”ı İsrail və ABŞ ilə anlaşan Livan hökumətinə qarşı qızışdırdığını iddia edib.
