İsrail Baş nazir Benyamin Netanyahunun tezliklə Azərbaycana rəsmi səfəri gözlənilir.
Bu barədə "Israel Hayom" məlumat yayıb.
Səfərin dəqiq tarixi hələ dəqiqləşməsə də, onun yaxın gələcəkdə baş tutacağı gözlənilir. Səfər zamanı İsrail və Azərbaycan arasında ikitərəfli əməkdaşlıq müzakirələrin əsas mövzusu olacaq.
Sosial Tədqiqatlar Mərkəzinin sektor müdiri, politoloq Tural İsmayılov “Sherg.az”a bildirib ki, Azərbaycan və İsrail arasında müxtəlif səviyyəli əməkdaşlıq modelləri mövcuddur:
“Azərbaycan bir çox sahələr üzrə İsraillə yaxşı əlaqələrə malikdir. Həmin əlaqələr fonunda Azərbaycanın İsraillə münasibətləri yüksək səviyyədə davam edir. Bundan əvvəl də İsrailin rəsmi şəxsləri Azərbaycana səfərlər həyata keçiriblər. Benyamin Netanyahunun səfəri Azərbaycan İsrail münasibətlərinin gələcək prespektivi baxımından böyük əhəmiyyətə malikdir. Həmçinin Netanyahunun Azərbaycana səfəri iki ölkə arasında yeni əməkdaşlıqların və bəzi razılaşmaların əldə olunmasıyla nəticələnəcək. Ümumiyyətlə Azərbaycan-İsrail münasibətlərinin öz çəkisi var. İki ölkə təkcə siyasi deyil, eyni zamanda hərbi, sənaye və digər sahələrdə də əməkdaşlıq edir”.
