Ətraf-mühitin vəziyyəti ilə gənclərin psixi sağlamlığı arasında əlaqə müəyyənləşib.
Bakupost.az xəbər verir ki, bu barədə araşdırma "Nature Mental Health" (NMH) elmi jurnalında dərc olunub.
Araşdırma ABŞ-nin 21 şəhərindən 11800 uşaqdan toplanmış məlumatlar əsasında aparılıb.
Aparılan araşdırma, xarici mühitin yetkinlik yaşına çatmayanların idrak qabiliyyətlərinə və psixi sağlamlığına necə təsir etdiyini müəyyən etməyə imkan verib. Tədqiqat, daha işıqlı və yaşıllıq ərazidə yaşayan uşaqların daha yüksək təhsil və yaşayış səviyyəsinə malik olduqları müəyyən edilib.
Tədqiqatçıların fikrincə, nəticələr əlverişli ekoloji mühitin uşaqların əqli qabiliyyətlərinə və psixikasına müsbət təsir etdiyini deməyə əsas verib.
Təhsil eksperti Elçin Murad “Sherg.az”a bildirib ki, bu məsələni analiz etsək, yəni bizim yaxın keçmişə nəzər salsaq açıq aşkar görə bilərik ki, kənd, rayon mühitində böyüyən uşaqlar daha sağlam, daha yaradıcı, daha əzmkar olur:
“Əvvəl təhsil daha keyfiyyətli və daha uğurlu olurdu. Yəni Bakı şəhərində bu qədər kütləvi məskunlaşmanın olmadığı vaxtlarda rayon yerində təbiətlə sıx yaşayan şagirdlər təhsilə daha çox önəm verə bilirdilər. Təəssüf ki, bu gün şagirdlər şəhər mühitində qapalı qutunun içərisindədirlət və boş vaxtlarında sadəcə sosial şəbəkələrdə zaman keçirirlər. Heç bir yaradıcılıq, ünsiyyət və s. yoxdur. Digər tərəfdən bugünkü gün sağlam mühit yoxdur. Bu da şagirdləri daha tənbəl olmağa vadar edir. Təmbəllik isə həm təhsilə, həm də onların fizioloji sağlamlığına mənfi təsir göstərir. Bunun da çarəsi Bakıdakı yükü azaldılması, rayon insanın öz doğma yurduna qayıtmağına və orada məskunlaşmasına şərait yaradılmasıdır. Yəni iş şəraiti yaxşılaşdırılmalıdır”.
