"Azərbaycan haqq yolundadır".
Bunu "Sherg.az"a açıqlamasında Bakı Politoloqlar Klubunun rəhbəri Zaur Məmmədov deyib.
Ekspert bildirib ki, üçtərəfli Bəyanatın müvafiq bəndinə əsasən sülhməramlıların bölgəyə daxil olması ilə eyni anda erməni hərbi birləşmələri bölgəni tərk etməli idilər:
"Mart ayındakı xəbərdarlığa baxmayaraq erməni qanunsuz silahlıları hələ də Qarabağı tərk etməyiblər. Mövcud vəziyyət sözsüz ki, rəsmi Bakı tərəfindən diqqətlə izlənilir. Regionda maraqlarının bundan sonra da reallaşmasını istəyənlər hadisələrə obyektiv qiymət verməyi bacarmalıdırlar. Son zamanlar, ABŞ , Qərb və Rusiya arasında şiddətlənən geosiyasi münaqişə fonunda Vaşinqton, Paris və Moskva tərəfindən yeni reallığa uyğun addımlar atılmalıdır. Regionda qanunsuz hərbi birləşmələri şirnikləşdirəcək bəyanatlar verilməməlidir. Azərbaycan ordusu 44 günlük Vətən Müharibəsində olduğu kimi bundan sonra da, BMT tərəfindən tanınan öz ərazilərində lazımı addımları atacaq. Üçtərəfli Bəyanatda sülhməramlılarla bağlı "Laçın dəhlizi" qeyd edilib. Onların müvəqqəti yerləşdikləri ərazi haqqında cümlə yoxdur".
