
Qərbin baxışı müsəlman ölkələrinə qarşı dəyişmir
Yusif Nəzərli
21:22 29.03.2022
Aktual
854
100 il öncə soyqırım törədən ermənilər öz cəzalarını almalıdır
Məsələni beynəlxalq hüquq müstəvisinə çıxartmalı, tarixi olaylara baxışı da kökündən dəyişməliyik
Əsrlər boyu erməni millətçiləri tərəfindən xalqımıza qarşı etnik təmizləmə, deportasiya və soyqırımı cinayətləri həyata keçirilib. Azərbaycan xalqının başına gətirilən ən dəhşətli faciələrdən biri də 1918-ci ilin mart-aprel aylarında erməni-daşnak silahlı dəstələri tərəfindən törədilən qətliamlar olub. Həmin dövrdə Bakı şəhərində, quberniyaya daxil olan digər şəhər və qəsəbələrdə, Qarabağ, Zəngəzur, Naxçıvan, Şirvan, İrəvan və digər bölgələrdə törədilmiş kütləvi qırğınlar və vandalizm aktları törədilib.
On minlərlə dinc sakin məhz etnik və dini mənsubiyyətinə görə xüsusi qəddarlıqla qətlə yetirilib, mədəniyyət abidələri, tarixi binalar və məscidlər dağıdılıb. Kütləvi qırğınlar 20 minə yaxın günahsız insanın, o cümlədən çoxlu sayda qoca, qadın və uşağın öldürülməsi ilə nəticələnib. Martın 30-dan aprelin 2-dək davam edən kütləvi qırğınlarda Stepan Şaumyanın rəhbərlik etdiyi erməni bolşevik dəstələri Bakıda minlərlə insanı qətlə yetirib, müsəlman ziyarətgahlarını yandırıblar. Bakı əhalisinin 400 milyon manatlıq əmlakını müsadirə ediblər. Kütləvi qırğınlar zamanı şəhərin ən möhtəşəm məscidi sayılan Təzəpir məscidi aramsız top atəşinə tutulub. Ermənilər Bakının ən möhtəşəm memarlıq incilərindən olan "İsmailiyyə” binasını yandırıblar. Azərbaycanlılara qarşı həyata keçirilən soyqırımı siyasəti təkcə Bakı şəhəri ilə məhdudlaşmayıb. Martın 31-də erməni daşnakları Şamaxı qəzasının 53 kəndində 8027 azərbaycanlını, o cümlədən, 2560 qadın və 1277 uşağı qətlə yetiriblər. Qubanın 162 kəndində öldürülən günahsız azərbaycanlıların sayı isə 16 mindən artıq olub. Erməni daşnakları Lənkəran, Muğan bölgəsi və Dağlıq Qarabağda minlərlə kəndi yandırıb, on minlərlə insanı vəhşicəsinə qətlə yetiriblər. 1918-ci il iyulun 15-də Azərbaycan Demokratik Respublikasının yaratdığı Fövqəladə Təhqiqat Komissiyası bu qırğınlarla bağlı çoxsaylı sənədləri toplayaraq hökumətə təqdim edib, 1919-cu ildə Azərbaycan parlamenti 31 Mart tarixinin Azərbaycanlıların Soyqırımı günü kimi qeyd olunması barədə qərar qəbul edib. Ümummilli lider Heydər Əliyevin 26 mart 1998-ci il tarixli Sərəncamı ilə 31 mart Azərbaycanlıların Soyqırımı Günü kimi qeyd olunmaqdadır.

Türkoloq-alim Faiq Ələkbərli “Şərq”ə bildirib ki, 31 mart soyqırımının 104-cü ildönümü ilə bağlı tədbirlər daha genişmiqyaslı olmalıdır. Alim vurğulayıb ki, təşkil olunan konfranslarda əsas məqsəd dünya ictimaiyyətini erməni vəhşiliyi ilə tanış etmək, onları məlumatlandırmaqdır:
“Diqqətə çatdırmalıyıq ki, bu gün Ukraynada, yaxud dünyanın digər ölkələrində yaşanan fəlakət, qətllər, uşaq və qadınların öldürülməsi faktları yüz il öncə ermənilərin əli ilə Azərbaycanda baş verib. Ukraynada, Gürcüstanda və yaxud başqa xristian ölkəsindəki işğal faktlarına, qətliamlara kifayət qədər diqqət yönəldilir. Amma əfsuslar olsun ki, müsəlman-türk ölkələrinə münasibətdə bunu görmürük. Yüz il öncə Qərb ölkələrinin regionumuzdakı proseslərə yanaşması necə idisə, indi də beynəlxalq təşkilatların baxışı eynidir. Ermənilər sadəcə Bakıda, Şamaxıda, Qubada, Qarabağda deyil, eyni zamanda Cənubi Azərbaycan şəhərlərində də soyqırımı törədiblər, günahsız insanları qılıncdan keçiriblər. Ancaq dəhşətli qırğınlara indiyədək lazımi qiymət verilməyib. O baxımdan məsələni beynəlxalq hüquq müstəvisinə çıxartmalı, tarixi olaylara baxışı da kökündən dəyişməliyik. Beynəlxalq hüquq ancaq xristian dininə mənsub xalqlar üçün olmamalıdır. Azərbaycan türklərinin də hüquqları tanınmalı, soyqırımı törədən ermənilər öz cəzalarını almalıdır”.
Oxşar xəbərlər
Xəbər lenti
Hamısına bax
Lənkəranda 13 yaşlı yeniyetmə bıçaqla boğazından xəsarət aldı
23:16 17.11.2026
Hadisə
İrandan ərəb ölkəsinə xəbərdarlıq: Məhv olacaqsınız!
22:58 17.11.2026
Son dəqiqə
ABŞ Milli Təhlükəsizlik Agentliyinin məxfi şəbəkəsi sıradan çıxıb
22:39 17.11.2026
Dünya
Vladimir Putin Çinə səfər etdi
22:20 17.11.2026
Gündəm
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial