Özlərini sahilə vuran balinaların çoxunu xilas etmək mümkün olmayıb
Avstraliyanın Tasmaniya şəhərində Macquarie Heads bölgəsində dayaz sulara çıxan 270 balinadan sonra daha 200-nün də sahilə çıxdığı məlum olub.
"Sherg.az" xarici mətbuata istinadən xəbər verir ki, bir neçə gündür ki, "Tasmaniya Dəniz Qoruma Proqramı"nın əməkdaşları xilas etdiyi 270 balinanın üçdə birinin öldüyünü bildirib.
Hətta xilasedicilər bunlar da daxil olmaqla, təxminən 300 balinanın öldüyünə dair narahatlıqlarını ifadə ediblər. Macquarie Heads bölgəsində sağ qalan balinaları xilas etmək üçün təxminən 40 nəfərlik xilasetmə qrupu çalışır.
Dəniz bioloqları xilasetmə işlərinin günlərlə çəkəcəyini və bu sayda balinanın 10 ildən çoxdur ki, tapılmadığını vurğulayıblar.
Qeyd edək ki, analoji hadisə 2018-ci ildə Yeni Zelandiyada da yaşanıb. 200-dən çox pilot balina bir həftə ərzində fərqli sahillərə çıxaraq ölüb.
