Azərbaycanlı kapitanın gəmisi saxlanıldı

Gürcüstan Sərhəd Polisi azərbaycanlı kapitanı inzibati məsuliyyətə cəlb edib

Gürcüstan sərhədçiləri kapitanı azərbaycanlı olan Kamboca bayrağı altında üzən gəmini saxlayıblar. ANS Press-in Trend-ə istinadən məlumatına görə, Gürcüstan Sərhəd Polisi "VOLGOBALT- 227” gəmisini Poti limanı akvatoriyasında dənizi çirkləndirdiyinə görə saxlayıb. Azərbaycan vətəndaşı olan gəmi kapitanı (kapitanın adı bildirilmir) inzibatı məsuliyyətə cəlb edilib. Poti məhkəməsi onun 922 min lari (1 dollar = 1,66 lari) cərimə və ekoloji mühitə vurduğu zərərə görə 922 lari ödəməsi haqqında qərar qəbul edilib. Cərimənin ödənilməsindən sonra gəmi həbsdən azad ediləcək.