Ankarada Türkiyə Silahlı Qüvvələrinin Baş Qərargah rəisi Hulusi Akar və ABŞ Silahlı Qüvvələrinin Baş Qərargah rəisi Cozef Dunford arasında görüş başa çatıb. Danışıqlar 6 saat çəkib.
Türkiyə Silahlı Qüvvələrinin Baş Qərargahından verilən şərhə görə, general Akarın ABŞ-lı həmkarı ilə danışıqlarında , FETÖ terror təşkilatının ABŞ-da davam edən fəaliyyətləri haqqında narahatlıq təkrar dilə gətirilib.
Görüşdə həmçinin Rakkadakı son vəziyyət, Mosul hərəkatı, İŞİD terror təşkilatının Suriya və İraqdakı fəaliyyətləri və bölgədəki məzhəb qarşıdurması diqqət mərkəzində olub.
