Saxta peyvənddən 3 milyon dollar qazanıb
Çində saxta koronavirus peyvəndi istehsal edən dəstə üzvü həbs edilib.
"Şərq" xarici mətbuata istinadən xəbər verir ki, mineral su və fizioloji məhluldan 58 min saxta koronavirus peyvəndi istehsal edən dəstənin lideri Konqun tutulub. Onun saxta peyvənddən 3 milyon dollar qazandığı bildirilib. Həmin saxta peyvəndlərin orijinal qablaşdırmaya tam uyğun şəkildə qablaşdırıldığı qeyd olunub. Sözügedən saxta qarışıqların bir qisminin ölkə daxilində kənd həkimlərinə və xəstəxanalara göndərildiyi vurğulanıb. Xaricə qaçaq yolla gətirilən peyvəndlərin isə hansı ölkələrə göndərildiyi hələlik müəyyənləşdirilməyib.
Qeyd edək ki, 2020-ci ilin son günlərindən bugünədək Çində saxta peyvənd istehsalı ilə bağlı 70 nəfər həbs olunub. 1,4 milyard əhalisi olan Çində bu günə qədər 40 milyon insan peyvənd olunub.
