“Rayona gedən şəxslərin hərbi xidmətə çağırışla əlaqədar Bakıya qayıtmasında heç bir problem olmayacaq”.
Oxu.Az xəbər verir ki, bunu Daxili İşlər Nazirliyinin (DİN) Baş İctimai Təhlükəsizlik İdarəsinin rəis müavini Əziz Baqişev ATV telekanalında yayımlanan “ATV Qərargah” verilişində deyib.
O bildirib ki, həmin şəxslər hərbi çağırış vərəqələri ilə postdan keçə bilər:
“Əgər Bakı şəhəri qeydiyyatındadırsa, regionlardan hər hansı birində yerləşən hərbi komissarlığa gedibsə, paytaxta qayıdarkən postda çağırış vərəqəsini və ya hərbi komissarlıqdan verilən arayışı göstərməklə sərbəst hərəkət edə bilər”.
