Qətərdə çıxan "Yarımada" qəzetinə müsahibə verən Türkiyə prezidenti Rəcəb Tayyib Ərdoğan Qarabağdakı qarşıdurmalarla bağlı dünyaya açıq bir mesaj verib.
Lent.az Türkiyə mediasına istinadən xəbər verir ki, Ərdoğan, “Azərbaycan Ermənistanın quldurluqla işğal etdiyi torpaqlarını alır" dedi.
Ərdoğan Ermənistanın “bölgədəki münaqişəyə Türkiyənin də daxil olduğu” iftirasına sərt sözlərlə qarşılıq verib. O bildirib ki, Ermənistanın bu cəhdi yaşadığı çarəsizlik və ümidsizliyin isbatıdır.
Türkiyə prezidenti vurğulayıb ki, Ermənistan quldurluqla işğal etdiyi Dağlıq Qarabağ və ətraf rayonlarda işğal 30 ildir davam edir. İşğal zamanı Ermənistanın Azərbaycan xalqına qarşı həyata keçirdiyi soyqırım və vəhşilkləri vurğulayan Ərdoğan beynəlxalq təşkilatların bu qətliamlara səsisz qalmasının Ermənistanı cəsarətləndirdiyini deyib: “Beynəlxalq təşkilatların səssizliyindən cəsarət alan Ermənistan yinə de sivil insanlara qarşı hücumlarını davam etdirirdi. Buna qarşılıq olaraq Azərbaycan hərəkətə keçdi və indi Ermənistanın quldurluqla ələ keçirdiyi torpaqları bir-bir geri alır. Türkiyə bu günə qədər olduğu kimi, bundan sonra da “bir millət, iki dövlət” düsturu çərçivəsində haqlı davasında Azərbaycan dövlətinin, xalqının yanındadır. Azərbaycanlı qardaşlarımıza dəstəyimiz bütün imkanlarımızla davam etdirəcəyik.
Erdoğan onu da əlavə edib ki, Dağlıq Qarabağ məsələsi son 30 ildir Qafqazın ən önəmli böhran mövzusudur: “Bu problemin çözülmısi üçün BMT qərarlarının həyata keçirilməısi və beynəlxalq hüququn tələblərinin yerinə yetirilməsi vacibdir. Hər fürsətdə türk millətinə qarşı hücuma keçən və düşmən mövqeyi sərgiləməkdən geri addım atmayan Ermənistan, bölgədə sülhün, sabitliyin önündəki ən böyük əngəldir. Ermənistanın son işğal cəhdində aldığı ağır məğlubiyyətdən sonra Türkiyəni də münaqişənin içində göstərmək cəhdləri sıxışmasının, ümidsizliyinin isbatıdır. Ermənistanın bu münasibəti belə bölgədə geniş miqyaslı münaqişə zonası yaratmaq istədiyinin göstəricisidir. Yaşanan son proses kimin həqiqətən barışı dəstəklədiyini ortaya qoydu. Bu gerçəyi görərək beynəlxalq ictimaiyyəti illərdir tətbiq etdiyi ikili standartlardan imtina etməyə və Ermənistanın Azərbaycan ərazisindəki işğalına son qoymaq üçün addımlar atmağa çağırdığımı təkrar edirəm".
