Fransada 4 fransalı polisin 22 yaşlı gənc fransız qara dərili Teoya qarşı zorakılıq və zorlama tətbiq etməsi bu ölkəni ayağa qaldırıb.
Sherg.az-ın "Lemonde.fr”ə istinadən xəbərinə görə, artıq bir neçə gündür ki, minlərlə Fransa vətəndaşı küçələrə axın olub, polis zorakılığına və irqçiliyə qarşı sərt etiraz edir.
Nümayişçilər üzərinə « Teo üçün ədalət” « Zorakılığa yox deyək», « İrqçilik və dövlət zorakılığına son » və s kimi şüarlar yazılan plakatlar qaldırıblar. Və bu şüarları demək olar ki, Fransanın əksər şəhərlərində divarlara da həkk ediblər.
Qeyd edək ki, 4 fransalı polisin 22 yaşlı gənc fransız qara dərili Teoya qarşı zorakılıq və zorlama tətbiq etməsi bu ölkədə üç gecə dalbadal aksiyanın keçirilməsilə nəticələnib. Məlumata görə, fransız etirazçılar polis zorakılığını pisləyərək, bir neçə avtomobili və zibil qabını yandırıblar. Fransa polisi də bir neçə etirazçını həbs edib. Qaradərili yeniyetməyə qarşı hörmətsizlik mediaların, xüsusən mətbuatın ən əsas xəbərinə çevrilib. Belə bir halda, Fransanın sosialist prezidenti Fransua Olland çəkişmələri azaltmaq məqsədilə Teonun görüşünə gedib.
Ayyət Əhməd
