İzmirin Kiraz rayonunun iki dağ kəndi olan Sırımlı və Olqunlarda 18 yaşdan kiçik qızların qaçırılaraq evləndirilməsi və bunun "ənənə" olaraq təqdim edilməsi 2017-ci ildə bir xəbər ilə ortaya çıxıb.
"Sherg.az" xəbər verir ki, həmin vaxt bu kəndlərdə "sözdə ənənə" lərə görə qaçırılan 12-15 yaşlı qızların ailələrinə verilən "sus payı" 15 yaşlılar üçün 20 min, 12 yaşlı uşaqlar üçün 40 min TL olduğu öyrənilib. O dövrdə böyük reaksiyaya səbəb olan xəbərdən üç il ötür.
Bu dəfə Kiraz rayonunun Olgunlar kəndində yaşayan Olcay S. (20) Aydının Nazilli rayonunda yaşayan 15 yaşlı F.S.-ni qaçırdığı iddia edilib. Qızın ailəsi Olcay S. haqqında 16 sentyabrda Kiraz Jandarma Komandanlığına və Kiraz Respublika Prokurorluğuna şikayət edib.
Ancaq 13 gün keçməsinə baxmayaraq, hələ də F.S.-dən xəbər yoxdur.
Qızın anası Afife Betül S. qızının itməsi ilə əlaqədar danışarkən bildirib ki, qızı avqustun 18-də atası ilə tarlaya getmək üçün evdən çıxıb: "Bundan sonra ondan bir xəbər ala bilmədik. Özü qaçsaydı, tərlik və pijama geyinməzdi.
Qızımı kim qaçırdısa, onu zorla qaçırdı. Telefonu günlərdir ki, sönülüdür. İki həftə əvvəl İzmirin Olgunlar köyünün müdiri Muammer Yaygın bizə "Qızınız Olcay S.-nin evindədir.
Gənclər bir-birini sevib, gəlin bu işi yoluna qoyaq" dedi. Bu telefon söhbətindən sonra qızımın İzmirdə olduğunu öyrəndik.
Ertəsi gün İzmirə getdik. Jandarma və prokurorluğa şikayət etdik. Qızım sadəcə bir uşaq, tələbədir. Neçə gündür ki, pərişanıq, qızımızın harada olduğunu bilmirik. Bir aydır ki, səsini eşitmirik. Aydındır ki, qızım zorla saxlanılır”.
Muammer Yaygın isə bildirib ki, keçmişdə kənddə qız qaçırma var idi, amma indi baş vermir:
"F.S.-ın qaçırıldığını və ya qaçdığını bilmirəm. Ailəni tanımıram. Qızın evini tərk etdiyini Nazilli İlçe Jandarma Komandanlığından öyrəndim. Hadisə kəndimizdə olmayıb. Keçmişdə kəndimizdə qız qaçırma hadisələri olurdu, ancaq geridə qalıb.
Kəndimizdə "Ailələrə Dəstək Mərkəzi" açdıq. Burada qadınlarımıza və qızlarımıza kurslar veririk, 35 qadını isə işlə təmin etmişik".
