Fransalı jurnalist öz hesabatında Qarabağda ordumuza qarşı döyüşən ermənilər arasında muzdluların olduğunu bildirib.
"Sherg.az" xəbər verir ki, bu barədə Azərbaycan prezidentinin köməkçisi Hikmət Hacıyev özünün rəsmi "twitter" hesabında məlumat verib:
"Fransalı jurnalistin hesabatı mülki vətəndaşlara hücum edən Ermənistan Silahlı Qüvvələrinin sıralarında muzdlu döyüşçülərin olduğunu sübut edir. Bu baxımdan Fransanı Azərbaycanı ittiham etmək əvəzinə Ermənistanın təxribatlarını dayandırmaq üçün səy göstərməyə çağırırıq".
