İranda ötən sutka ərzində 110 nəfər koronavirusdan (COVID-19) ölüb.
APA-nın xəbərinə görə, bu barədə ölkənin Səhiyyə Nazirliyi məlumat yayıb.
Bildirilib ki, bununla da İranda bu virusdan ölənlərin sayı 22154 nəfərə yüksəlib.
Ötən 24 saat ərzində 1894 nəfər koronavirusa yoluxub. Beləliklə, İranda bu virusa yoluxanların sayı 384666 nəfərə çatıb. Virus daşıyıcılarından 3708 nəfərin vəziyyəti ağır qiymətləndirilir.
İranda indiyədək 332131 nəfər koronavirusdan sağalıb.
