İranda ötən sutka ərzində 172 nəfər koronavirusdan (COVID-19) ölüb.
APA-nın xəbərinə görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.
Onun sözlərinə görə, bununla da İranda bu virusdan ölənlərin sayı 25 394 nəfərə yüksəlib.
Nazirlik rəsmisi həmçinin qeyd edib ki, İranda ötən 24 saat ərzində 3204 nəfər koronavirusa yoluxub.
Beləliklə, İranda bu virusa yoluxanların sayı 443086 nəfərə yüksəlib.
O əlavə edib ki, İranda indiyədək 372051 nəfər koronavirusdan sağalıb. Hazırda virus daşıyıcısı olanlardan 4041 nəfərin vəziyyəti ağır və ya orta ağırdır.
