Koronavirusa yoluxma ehtimalının ən çox olduğu yerlər arasında mütləq lider xəstəxananın reanimasiya şöbəsidir.
Lenta.ru-nun məlumatına görə, bu barədə rusiyalı həkim və televiziya aparıcısı Yevgeni Komarovski özünün “Instagram” hesabında yazıb.
O, ictimai nəqliyyatın, xüsusən də metronun, həmçinin, məbədlərin və insanların çox olduğu digər bu kimi yerlərin təhlükəli olduğunu qeyd edib.
Komarovski onu da vurğulayıb ki, ancaq müəyyən dozada virusa yoluxduqdan sonra xəstələnmək mümkündür:
“Orqanizm tək-tək zərrəciklərin öhdəsindən özü gələ bilir, bir doza xəstəliyin yüngül və hətta simptomsuz forması ilə nəticələnə bilər. Ancaq bu dozanın 10 qat artması həyat üçün ciddi təhlükə yaradır”, - deyə o bildirib.
