Milli Məclisin iclasında deputat Qüdrət Həsənquliyev 2019-cu ilin büdcəsinin icrası barədə qanun layihəsinin müzakirəsi zamanı tənqid səsləndirib.
Oxu.Az-ın xəbərinə görə, Q.Həsənquliyev deyib ki, büdcədə qənaətə diqqət yetirilmir.
O bildirib ki, bununla yanaşı büdcə xərclərindən sui-istifadə hallarına rast gəlinib.
Maliyyə naziri Samir Şərifov isə millət vəkilinə etiraz edib.
“Görünür Qüdrət müəllim ya sənədlə yaxşı tanış olmayıb, ya da belə danışmaqla başqa məqsədlər güdür” - deyə S.Şərifov əlavə edib.
Nazir söyləyib ki, sui-istifadə ilə bağlı səslənən fikir isə yanlışdır.
“Təklif edirəm ki, sui-istifadə ifadəsini işlədərkən ehtiyatlı olmaq lazımdır. Stəkanda fırtına yaratmaq lazım deyil”.
