Ermənistanın Baş naziri Nikol Paşinyanın Rusiyaya səfəri ləğv olunub.
APA-nın xəbərinə görə, bu barədə “Mediaport” saytı məlumat yayıb.
Bildirilib ki, səfərin ləğv olunmasının səbəbi N. Paşinyanın Rusiya rəhbərliyi ilə yüksək səviyyəli görüş imkanı əldə edə bilməməsi ilə bağlıdır.
“Ermənistanın Paşinyan-Putin ikitərəfli görüşünü təşkil etmək cəhdləri uğursuz olub və Baş nazirin protokol rəhbəri İrəvana geri çağrılıb”, - qeyd olunub.
