Rusiyada koronavirusdan ən çox təsirlənən sektorlardan olan fərdi, kiçik və orta sahibkarlar, həmçinin sosial yönümlü qeyri-kommersiya təşkilatları üçün ƏDV istisna olmaqla, 2020-ci ilin ikinci rübünün bütün vergi və sığorta haqları silinəcək.
Meduza.io xəbər verir ki, bunu Rusiya Prezidenti Vladimir Putin deyib.
O, eyni zamanda məşğulluğu dəstəkləmək üçün yeni kredit proqramına başlandığını elan edib. Koronavirusdan ən çox təsirlənən sektorları təmsil edən bütün müəssisələr bundan faydalana biləcək. Kreditlər bir işçiyə aylıq minimum əməkhaqqı miqdarı əsas götürülərək, 2% endirimlə veriləcək. Bu kreditlər 1 aprel 2021-ci il tarixinə qədər bağlanmalıdır.
Əgər şirkət kredit proqramının müddəti ərzində işçilərinin 90%-i səviyyəsində məşğulluq təmin edərsə, onun bütün kreditləri və faizləri silinəcək. Məşğulluq 80% səviyyəsində saxlanılırsa, kredit məbləğinin və faizin yarısı silinir.
Bundan əlavə, Putin fərdi fəaliyyət göstərənlərə 2019-cu il üçün ödədikləri gəlir vergisinin hamısını qaytarmağı və 2020-ci ildə vergi ödəyə biləcəkləri minimum əməkhaqqı miqdarında vergi kapitalı təmin etmələrini göstəriş verib.
Rusiyalılara müraciət əsnasında Putin Rusiyada 12 may tarixindən etibarən qeyri-iş günü rejiminin ləğv edildiyini bildirib, uşaqlı ailələrə əlavə ödəmələr vədi verib və COVID-19 xəstələri ilə işləyən bütün həkimlərə təcili ödəniş edilməsini tələb edib.
